លោក Dan Lok គឺជាសហគ្រិនជោគជ័យមួយរូប ដែលមានដើមកំណើតមកពីហុងកុង។

លោកជា អ្នកនិយាយលើកទឹកចិត្តសាធារណៈ ជាអ្នកនិពន្ធសៀវភៅ Unlock it

ដែលជាសៀវភៅដែលលក់ដាច់បំផុត និងជាមហាសេដ្ឋីវ័យក្មេងលំដាប់ពិភពលោក។

លោកក៏ជា ស្ថាបនិកនៃ Closer.com ផងដែរ។ មែនទែនទៅ លោកត្រូវបានគេចាត់ទុកថា

ជាបុគ្គលម្នាក់ដែលតែងតែចែករំលែកនូវចំណេះដឹងថ្មីៗជាច្រើន ទាក់ទងនឹងការធ្វើអាជីវកម្ម

ក៏ដូចជាចំណេះដឹងទូទៅផ្សេងៗថែមទៀតផង។ កាលពីពេលកន្លងទៅ

រូបលោកក៏បានចែករំលែកពីទម្លាប់ល្អ ៣ យ៉ាង ដែលអ្នកមាន តែងធ្វើមិនរំលង៖

១) រាប់​លុយ​មុនចំណាយ

អ្នក​មាន​ពិត​ណាស់តែង​ពិ​និត្យ និងគ្រប់គ្រងប្រាក់ដែលខ្លួនមានយ៉ាងល្អិតល្អន់

ពួកគេមិនមែនជាប្រភេទមនុស្ស ដែលគ្មានការកត់ត្រាច្បាស់លាស់

ទៅលើការចំណាយរបស់ខ្លួនឡើយ។ ជាពិសេស ពួកគេតែងតែរាប់ប្រាក់របស់ខ្លួនជានិច្ច

មុននឹងដកទិញរបស់របរ ឬចំណាយលើអ្វីមួយ ដើម្បីដឹងពីចំនួនប្រាក់ដែលសេសសល់។

មិនតែប៉ុណ្ណោះ ពួកគេសុខចិត្តចំណាយលើអ្វីដែលចាំបាច់ខ្លាំងប៉ុណ្ណោះ

ដូចជាការ​ហូប​ចុក​ទូទៅ វិក័យ​ប័ត្រចំណាយ​ប្រចាំ​ខែ ឬប្រចាំឆ្នាំ ឬការ​បង់​ពន្ធ ជាដើម។

លោក Dan Lok បន្តថា ប្រភេទមនុស្សទាំងនេះ

គឺមិនមែនចេះតែចំណាយប្រាក់តាមចិត្តនឹកឃើញឡើយ ប៉ុន្ដែបើពួកគេចំណាយ

នោះពួកគេបានមើលឃើញពីចំណុចណាមួយ

ដែលអាចឲ្យពួកគេទាញយកលុយមកវិញជាមិនខាន។

២) ចំណាយ​លើ​ខ្លួន​ឯងជាមុនសិន

ការចំណាយ​លើខ្លួន​ឯងជាមុនសិន នេះមិនបានផ្ដោតទៅលើការ ទិញ​ផ្ទះ​ថ្មី ​ ទិញ​ឡានថ្មី

របស់របរទំនើប ឬចំណាយ​លើ​ដំណើរកំសាន្តផ្ទាល់ខ្លួនផ្សេងៗឡើយ។

តែសំដៅដល់ការចំណាយប្រាក់ ទៅលើអាជីវកម្មដែលខ្លួនឯងកំពុងធ្វើដូចជា

ទិញអាគារការិយាល័យថ្មី សម្ភារៈដែលមានប្រយោជន៍ដល់ក្រុមហ៊ុន

ឬដំណើរកម្សាន្ដរបស់ក្រុមក្រុមហ៊ុន ដែលអាចជួយពង្រឹងដល់កិច្ចការងារជាដើម។

ពួកគេចាត់ទុក ជាការចំណាយដើម្បីខ្លួនឯងដ៏មានតម្លៃបំផុត។​

៣) ​វិនិយោគ​បន្ថែម

អ្នកមានទ្រព្យស្ដុកស្ដំ ពួកគេមិនដែលទុកឱកាសរបស់ខ្លួន ឲ្យកន្លងហួសទៅដោយទទេរនោះទេ

ពួកគេតែងតែរិះរកនឹកនូវគំនិតថ្មីៗ ដែលអាចបង្កើតលុយ

និងធ្វើយ៉ាងណាឲ្យជីវិតរបស់ពួកគេកាន់តែដើរទៅមុខរហូត។ មិនតែប៉ុណ្ណោះ

ពួកគេផ្ដោតលើគោលដៅរបស់ខ្លួនជាធំ និងបន្ដពង្រីកខ្លួនឲ្យកាន់តែធំ។ ត្រង់នេះ លោក Dan

Lok បញ្ជាក់ថា បុគ្គលទាំងអស់នោះ អា​ច​នឹង​យក​ប្រាក់​ទាំង​អស់របស់ខ្លួន

ទៅវិនិយោគបន្ថែម​លើ​អាជីវកម្ម​ដែល​មាន ឬ​បង្កើត​អាជីវកម្ម​ថ្មី​មួយ​ទៀត

ឬ​ដាក់​វា​សន្សំក្នុង​ធនាគារ ដើម្បីទទួលបានការប្រាក់

ឬវិធីសាស្រ្តផ្សេងៗជាច្រើនទៀតតាមស្ថានភាពជាក់ស្ដែង។